Hilde utforskar verda..

På tide med ei grundig oppdatering...

2007-10-27T06:29:00.000-07:00

Etter påske vart det hardt arbeid for å holde konsentrasjonen til skulearbeid på plass... Bryllupsplanlegging okkuperte tankane, og satte skulearbeidet ut av fokus.

17. mai hadde vi vårt første "foreldremøte" og eg vil påstå at det gjekk strålande.

Så stod den STORE sommaren for tur...

Lars sin første sommer på sunnmøre... kan det bli fleire? Han jobba som ein helt på fiskefabrikk, kom heim illeluktande og vart sendt rett i dusjen. Dagane våre var forskjellege... mens han arbeida hardt, i eit mørkt og trist fabrikklokale, kunne eg sitje på pappas kontor, nyte utsikta ut mot fjorden og høyre bølgene slå inn mot land. Eg teikna hus og Lars kutta fisk.. :)

Kveldane gjekk med til bryllupsplanlegging.... dag ut og dag inn.... det var så mange valg som skulle takast.. tale skulle skrivast og BRUDEKJOLE skulle syast... Ei stor TAKK til mi kjære mor som gjorde meg til DEN nydelege prinsessa.

BRYLLUPSDAGEN
Av ein eller anna grunn vakna EG, som på ingen måte er nokon morgonfugl, klokka sju og spratt ut av senga... like etterpå møtte eg pappa som vart overraska over å sjå meg oppe så tidleg. Klokka åtte hadde vi ei fin stund saman der vi heiste flagget til topps.

Før Lars hadde stått opp, var eg på veg til frisøren...
Camilla ordna med mat og frukt, mamma gjorde kjolen klar og eg satt der spent med skuldrene høgt til vers..hår og sminke stod for tur...

Vielsen - gjekk som ein drøm, ingen NEI, klare JA, ein del rørte hjarte og ein flom av gledestårer...
Det var stor jubel på kyrkjetrappa før vi råna avgårde med kul bil og privatsjåfør nedover kyrkjebakkane..

Festen som vi hadde på akvariet var super! Alt var som ein drøm...! Kva skal eg drømme om no?

BRYLLUPSREISE
Tidleg mandags morgon skulle flyet til Nice gå... omtrent ein time og eit kvarter før det skulle gå, fortalde Lars meg at vi hadde forsove oss, min kjære Lars som insisterte på at det var nok med ei vekkerklokke... ompakking (for å få alt med som håndbagasje) blei gjort i ein fei, før vi tok taxi til flyplassen... (dyrt)... Gate'n var stengt..... men flaks for oss kom vi med :) Kameraet og lommeboka mi låg igjen i Norge... Lars fekk sjølvsagt skylda for situasjonen, og kanskje det var like greit at vi ikkje fekk sitje ved sida av kvarandre på flyet... :) Frukosten tok vi i ein park like ved hotellet i Nice. Ein hard start, men ellers var det ein super tur.

Så kom vi heim, reiste rett i bryllup, vidare på TMF dagen etterpå og eit nytt bryllup etter TMF ... så ... som fortjent kunne vi endelig ligge rett ut i ei veke.. Det vart mange filmar, boklesing og Lars spelte data til den store gullmedalje.

Etter nokre nokre veker i Oslo fekk vi omsider flytte inn i vår første leilighet, like ved Carl Berners Plass... Her bor vi fram til jul, før vi drar ut på nye eventyr...

påska...

2007-04-16T07:46:00.000-07:00

Påska endte opp på sørlandet i år...
...og eg måtte fint innsjå at det ikkje kom til å bli ein einaste skitur i år... slik kan det gå, men med halve semesteret på reisefot i Afrika har eg vell berre meg sjølv å takke....

Men påskedagane suste forbi på sørlandet også...

To små tøtte kom travende inn på rommet mitt tidleg den første dagen på Hasselåsen. Då eg omsider fekk opp augo mine, smilte dei lurt og ville at eg skulle stå opp for å leike med dei... tanken på å stå opp var fjern. Eg sendte dei opp for å finne ei bok... like etter var dei oppi senga mi, ei på kvar side..

Ellers så var "Den forsvunne diamant" blant "TOPP 10" på aktivitetslista til Tobias..

Vi var på hytta, grilla pølser og spelte fotball.

Og sånn inne i mellom når ungane søv, var vi ute saman med Lars sine venar. Der eg ein kveld KNUSTE ein heil gjeng i bowling... overlegent...

Måndag 26. mars

2007-03-26T07:34:00.000-07:00

Eg var tidleg oppe, og gjekk til huset for å gjere dei siste oppmålingane… Eg haldt på til klokka var halv fire. Då kom Dr Julie, slik vi fekk snakke om korleis ho vil at skulen skal vere. Eg fekk mange gode opplysningar til oppgåva mi.

Sidan det ikkje blei grilling i går kveld skal vi grille i dag…

Dette skulle vere min siste dag i Antsirabé, men eg har forandra planane. Eg blir ein dag til. Der eg skal kose meg, ta mange bildar og bade om veret er bra. Eg reiser tidleg onsdagsmorgon til Antananarivo, for å ha ein heil dag der. Håper på å få kjøpt nokre fine bøker før eg tar turen tilbake til Norge natt til torsdag…

Søndag 25. mars

2007-03-25T07:09:00.000-07:00

Med ein tung kropp etter nokre få timer med søvn reiv eg meg ut av senga… det hadde aldri gått utan at eg hadde ein avtale… kvart på seks var eg klar til å gå.
Då vi kom til kyrkja, delte dei ut bibelvers, som dei festa på genseren. Vi kom inn i kyrkja og valte ein benk ca midt i. Likevel føltes det ut som vi var milevis frå alteret. Det var ei stor kyrkje, men likevel var det ikkje problem å fylle den. Det sat folk overalt og dette var berre den første gudstenesta denne dagen. Etterpå skulle det vere søndagsskule, før ei ny gudsteneste skulle ta til + ei på ettermiddagen, før det skulle vere konsert på kvelden.

Eg skjønte ikkje stort av gudstenesta, men det var fint å delta likevel. Folk song, talen var ganske kjapp (eg rakk å lese Ruts bok medan den haldt på), så kom kunngjeringane… det tok LANG tid… og når eg trudde dei var ferdig kom ein ny mann med nye kunngjeringar… og enda ein gong… Når det var takkeoffer, skulle alle fram med si gåve… Det var vell kanskje da du la merke til kor mange det eigentleg var i kyrkja. Det tok nesten aldri slutt, men det var flott å sjå så mange til gudsteneste…eg fekk høyre frå ein misjonær her, at der bruker å vere 2000-3000 folk på kvar gudsteneste.. skal ikkje påstå at det var ei skrøne…

På veg heim kjøpte eg frukost til meg sjølv og til Audun og Runa. Eg lista meg inn å la den på kjøkkenet deira, slik det skulle vere ein overrasking til dei sto opp…

Det er søndag og nest siste dag i Antsirabé… det er rart..

I kveld blir det kanskje grilling på verandaen til Audun…

Laurdag 24.mars

2007-03-24T07:08:00.000-07:00

Kvelden enda i senga med ein bunke Donaldblad i går i staden for å gå ut… og ein prat med pappa gjorde godt. Mamma hadde reist til Oslo.

Eg stod tidleg opp og jobba fram til middag…
”Skipperpai” sto på menyen og heile tunet var invitert. Audun var ”sjefkokk”, han løfta nok ikkje ein finger, men lærte opp to hushjelper til å lage retten…

”Skipperpai”, stammer frå traktene på Nordmøre og er ein rett som har blitt til av svoltne studentar. ”Skipperpai” er ei samansetning av spagetti, kjøttdeig, potetstappe og ost på toppen. Den er billeg å lage, den kan frysast ned eller stå i kjøleskap opp til tre dagar. Mange et den både til frukost, middag, kvelds og nattmat i travle periodar med lange netter…

Det var koseleg med så mange samla til middag, det var meir enn nok mat, så eg trur eg vil få muligheita til å ete restar i dagane framover.

Etter middag var vi på Thermes og sola oss, nokre bada.

På kvelden kom ei dame for å ordne håret til Runa, og i same slengen fekk eg fot, hand og ansiktsbehandling…. Det gjorde veldig godt…

Etterpå møtte eg dei andre på ”Arche” der vi åt litt før vi gjekk for å spele biljard.
Klokka blei over eitt før eg forlét dei andre for å sove litt. Planen min var nemleg å gå på gudsteneste klokka seks…

Fredag 23. mars

2007-03-23T08:09:00.000-07:00

Klokka kvart over seks ringte klokka, grytidleg!!! Eg kom meg ikkje opp før halv sju, tok ein dusj og litt frukost før eg gjekk for å møte Dr Julie.

I dag skulle eg besøke sjukepleiarskulen… Vi fekk sete på med Torbjørg som jobbar der. Då vi kom var dei klare til å gå til time, men eg rakk å sjå internatet dei budde på. 16 jenter delte eit rom, som igjen var inndelt i to, med nokre gardiner imellom.

Dei tre gutane som gjekk på skulen hadde eit rom litt lenger borte på tunet.

Klesvasken hang til tørk, jentene hadde vore oppe tidleg for å vaske før dei skulle i gang med undervisninga. Eg håpar at dei ikkje brukte like lang tid som meg…

Biblioteket besto av to hyller med bøker, ei datamaskin, eit bord med fire stoler og var også eit kontor. Det var ikkje store rommet, og det var tydeleg at dei trengte meir plass.

Eg fekk sjå matsalen og kjøkkenet, ingen koseleg stad å vere..

Tilslutt fekk eg sjå klasserommet. Eit stort rom der alle dei 19 elevane var samla. Dr Julie fortalte meg at dei har berre eit trinn på skulen og tar inn elevar kvart tredje år. Dei vil gjerne auke antallet, men pga plassmangel er det vanskeleg.

Etter besøket var utfordringa å komme seg rett vei tilbake. Til slutt enda eg opp på ein ”pousse-pousse” (gassisk-taxi), som misforsto meg og kjørte meg til feil ende av byen.. Tilslutt skjønte eg at vi var på villspor og eg fekk ordna opp i misforståinga. Etter ein lang springetur fekk han ei god betaling, han takka og smilte..

Resten av dagen har eg haldt senga, utan å vere i topp form.. men er på beina igjen no…

I kveld blir det biljard med Audun, runa og tre norske sjukepleiarstudentar som nettopp har kome hit.

Eg nærmar meg avreise… gledar meg til å sjå Lars igjen, men kosar meg framleis i varmen her på Madagaskar.

Torsdag 22. mars

2007-03-22T08:08:00.000-07:00

Eg var tidleg i gang med jobbinga og hadde ein god arbeidsdag.

På kvelden var eg på ”Arche” og åt, før eg gjekk tidleg i seng.

Onsdag 21. mars

2007-03-21T11:04:00.000-07:00

Klokka åtte i dag tidleg møtte eg Audun, vi skulle ete frukost saman… Runa låg framleis i senga og streva med å komme seg opp... Det vart fransk frukost på oss i dag. Det er ikkje kvar dag eg går ut og et frukost, det var koseleg! Då vi hadde ete, bestemte vi oss for å kjøpe brød til dei fattige som stod utanfor. Vi delte ut to fulle poser med brød, og det vart mange takknemlege ansikt å sjå.

Eg og Runa for på marknaden for å kjøpe dei tinga vi skulle då vi var der sist, denne gongen gjekk det litt meir effektivt.

Sidan det var så varmt bestemte vi oss for å ta ein pause før middag på hotellet Thermes som ligger like ved den norske misjonsstasjonen. Vi tok på oss bikini og solkrem klare til å slikke litt sol. Eg tok eit bad i bassenget mens Runa snakka om at ho skulle bade i dag…

Vi bestilte middag, og då vi var ferdige begynte det å regne.

Etter middag jobba eg med oppgåva…

Tysdag 20. mars

2007-03-20T10:54:00.000-07:00

Formiddagen gjekk med til norskopplæring, saman med to hushjelper som Runa skulle lære engelsk, skulle eg lære Landy norsk. (Ho er gift med Arild Bakke og dei skal snart reise til Norge.) Vi skulle lære å bake sitronkake og ”Verdens beste kake”. Det var morosamt, vi kosa oss og etterpå var det på tide å smake… tilslutt var det samle seg ein god gjeng rundt bordet for å få ein smakebit.

Ettermiddag jobba eg med oppmålingane mine. Det tar mykje lenger tid enn eg trudde, men det går framover. Medan eg var der kom det eit kraftig torever, så eg haldt meg inne til det verste regnet hadde gitt seg.

Når eg kom tilbake, vart eg invitert med å spele spel med ungdomsskuleelevane, Audun, og rektor. Rektor ville spele domino, men vi ende opp med Risk..

Måndag 19. mars

2007-03-20T00:07:00.001-07:00

Den store vaske dagen…
Eg har utsett det lenger og lenger, men no var det på tide… alle kleda mine trengte seg ein vask… og her er det ikkje noko som heiter vaskemaskin.. eg skubba og skrubba, vrei opp klesplagg etter klesplagg… det tok aldri slutt…men endeleg, etter nokre timar var kleda på plass på klessnora. Må innrømme at eg synest det var litt skuffande å sjå, for det føltes som om eg hadde vaska det dobbelte av det eg hadde gjort… men likevel fornøgd med å vere ferdig!

Elles var eg og Runa på shoppingrunde på marknaden…vi hadde laga oss ei liste over det vi skulle kjøpe, men enda opp med alt anna enn det vi skulle ha…

På kvelden fekk eg snakka lenge med Lars igjen, det var godt og eg gleder meg til å sjå han igjen…

Søndag 18.mars

2007-03-18T23:55:00.000-07:00

Det vart ein sein kveld i går og eg starta dagen med å setje meg i sola å lese bok… Det var varma godt, etter ei stund kom rektor Reimar bort og inviterte meg på middag. Etterpå var eg å såg på ei danse/breakdance forstilling.

Resten av dagen gjekk med til domino og film….

Laurdag 17. mars

2007-03-17T11:46:00.000-07:00

Klokka var kvart på ni og den norske skulen var tom… vi, eg og eit par – tre andre satt å gjorde klar nokre ting som skulle ordnast…
Det var framleis stille og roleg på skulen, men da klokka nærma seg kvart over ni, kunne eg høyre roping ute på gata… kvart over ni strømma det folk i mot oss, 140 ungar frå fattigskular pluss ein ”blindpassasjer” som hadde hengt seg på, kom for å ha fattigbarnfest med oss… Vi sto klare med bollar og saft. Det var to bollar på kvar og nokre av ungane hadde så små hender at dei knapt klarte å halde dei. Det gjekk fort unna, snart var alle bollane vekk og det var tid for andakt inne på skulen…

Ein etter ein kom inn i biblioteket og snart var rommet heilt fullt. Dei satt som sild i tønner, på benker og matter som låg strødd utover golvet. Det var song og andakt, med forteljinga om Adam og Eva, sjeldan har eg sett ei så roleg barneforsamling. Var det eit ja/nei spørsmål, kom gjerne svaret frå ca 140 ungar i kor. Då dei song stemte dei i og høyrdes ut som om dei var dobbelt så mange.

Det var tid for leik… vi delte ungane inn i fleire grupper, slik dei skulle få vere med på forskjellege ting… Det var stor glede og mykje moro, den største utfordringa trur eg må ha vore trampolina. Dei færraste hadde nok prøvd trampoline før. Ein og ein hoppa. Nokre såg på det som ein enkel sak, heilt til dei skulle prøve… då kom det mange overraska ansiktsuttrykk… mange turte ikkje å hoppe åleine og fekk ei hand å holde i. Dei viste stor glede både av å sjå på og å få prøve….og gleda smitta…

Leikinga var over…
Vi skulle servere middag. Tre lange rekker vart laga, alle fekk utdelt plastskåler og skeier. Tre og tre fekk mat og ei brus før dei gjekk inn for å finne seg ein plass på golvet. Det var svoltne ungar… dei tømte skåla si, eg klarte ikkje halve eingong. Når dei var ferdig, vaska dei skålene i ein kran og tok dei med heim… Ingenting vart kasta. Dei færraste drakk brusa si, den skulle dei spare, og kanskje dele med dei heime?

Tilslutt skulle dei få ei gåve frå Den Norske Skulen, ei teikneblokk og fargeblyantar. Glade og fornøgde med hendene fulle, var dagen over. Dei avslutta med ei ”takkeregle” i kor og bønn tilslutt, så gjekk dei… I porten sto mange foreldre å venta, spente på kva ungane hadde fått.

Det tok på å engasjere så mange ungar, så då dei gjekk var det fleire oss som hamna i ein stol bak ei bok…

Kvelden kom, og vi skulle feire tre som nettopp hadde hatt bursdag. Vi tok med oss tre kaker på den lokale restauranten, Arche, der vart det bursdagssang og kake til alle som var der. Ein av dei tre bursdagsbarna kunne ikkje komme fordi bandet hans spelte på ein anna restaurant, så da tok vi med oss kaka og gjekk dit. Der vart vi godt tatt i mot. ”Mada” som hadde bursdag vart kjempeglad og eigaren av restauranten gav oss gratis drikke, mens vi satt å høyrde bandet spele.

Fredag 16. mars

2007-03-16T08:01:00.000-07:00

Dagane byrjar å bli like, eg har ikkje lenger følelsen av at dagane er som ferie der eg stadig opplever nye ting… men det er bra med litt rutinar, for det er tross alt ikkje ferien min.

Etter ei arbeidsøkt på morgonen gjekk eg for å ha ”klokka-ti-pausen” saman med dei andre på tunet. Fredag er vafledag… Etterpå ploga eg gjennom arkitekturhistoria saman med dei to ungdomsskuleelevane og eg var med på den neste formingstimen deira..

Etter middag jobba eg med oppgåva mi… over helga blir det nye oppmålingar i huset og mest sannsynleg eit besøk til den eksisterande sjukepleiarskulen..

Det er helg, kanskje kjem dagane til å by på enda fleire nye inntrykk...

Torsdag 15. mars

2007-03-15T08:19:00.000-07:00

Dagens høgdepunkt:

telefonen ringer…

Hallo?

Ei fantastisk stemme i den andre enden, jubel i hjerte mitt, endeleg… telefon frå Lars, min flotte kommande mann… i dag er det sånn cirka akkurat 135 dagar igjen til vi gifter oss…
Det gjorde godt med ein prat etter nokre mislykka forsøk dei siste kveldane! Han tok meg med på ein guida tur gjennom det gamle internatet, slik eg skulle få sjå rommet han budde på det året han var her. Eg trur kanskje at det var ei større oppleving for han enn for meg… men likevel artig… Det gamle rommet hans var ikkje lenger eit soverom men eit undervisningsrom.

Elles har dagen gått mykje med til oppmåling av huset som eg skal bruke i oppgåva mi.

Middagen åt eg på ein av dei lokale restaurantane i dag, ikkje dyre middagen, kanskje ti kroner. Billig, men ikkje super for magen min…
Då eg kom inn, var eg eigentleg på leiting etter Runa og Audun, sidan eg ikkje fann dei, enda eg opp med å ete saman med eit misjonærpar som satt der klare til å bestille. Etter vi hadde bestilt tok det si tid før vi fekk maten… for då skulle den ikkje berre lagast, men dei skulle også ut for å kjøpe kjøttet vi skulle ete… fordelen var at det ikkje var gammalt kjøtt, men likevel i seigaste laget.. :)

I morgon skal eg ha ei kort forelesing om arkitekturhistoria for dei to ungdomsskuleelevane. Så no held eg på å forberede siste rest av den...

Onsdag 14. mars

2007-03-14T08:52:00.000-07:00

Salven gjorde ikkje underverker, men eg søv betre i natt… Likevel har eg nok funne noko som er litt meir effektivt mot kløen min, vanilje yoghurt …
Eg får stadig fleire stikk og trur det må vere lopper.

Var på middag hjå enda ein ny familie her på tunet, så no trur eg har vore hjå dei fleste norske som bur her…

I ettermiddag møtte eg Dr Julie, og eg fekk endeleg sjå huset og tomta eg skal jobbe med… Eg har fått alle nøklar eg treng, og tek fatt i oppmåling av tomt og hus i morgon… Det blir ei utfordrande oppgåve… ikkje berre det, men i følgje ein misjonær som jobbar på skulen visar det seg at dei omtaler meg som ”arkitekten” og har høge forventningar til meg… Så gjer eg ei bra oppgåve er det ikkje utenkeleg at dei kanskje vil bruke den… kven veit?

Ein ny tur ”Arche” i kveld med Audun og Runa

Tysdag 13. mars

2007-03-13T08:58:00.000-07:00

Kroppen min liknar ein unge med vannkoppar, bein, armer, rygg, mage og til og med ein finger er full av raude prikkar… og sånn som det klør!!!

Kvar kjem dei i frå? Små usynlege vesen… også kalla mygg og lopper…

Eg har aldri vore den store fan av disse småkrypa , og for tida er dei svært lite populære….
Eg klør og klør, og om nettene klør eg så mykje at eg ikkje får sove..

I dag håper eg at eg har funne redninga!? Eg var på middagsbesøk hjå eit misjonærpar her på tunet, eg at grilla gassisk fisk, etterpå spurte eg om råd om mitt store kløe problem… Og eg enda opp med å få låne ein salve, som eg håper kan gjere susen for ei god natt…

Elles har dagen gått med til forberedelsar…
I morgon har eg avtalt å møte Dr Julie, rektor for sjukepleiarskulen, så da skal eg i gang med oppgåva mi…endeleg…

Måndag 12. mars

2007-03-12T07:56:00.000-07:00

Det har gått ei vike sidan eg reiste frå Norge, og frå min kjære Lars… Ingenting er det same utan Lars, men likevel er det gøy å gjere noko åleine.

I dag hadde eg ein ny dag på marknaden, denne gongen heilt åleine. Språket blir straks ei mykje større utfordring…. Eg tenkte at med reisehandboka med dei få gassiske glosene måtte vere litt hjelp der eg rusla rundt, men sjølv med den framfor meg bomma eg såpass mykje at eg ikkje gjor meg forstått da heller. Men eg skapte mykje latter rundt meg og det er jo ikkje verst å spre litt glede…

Når eg ikkje har nokon som kan snakke for meg må eg også finne ein måte å kommunisere på… eg tok fram penn og papir, og brukte kroppsspråket mitt til resten, på den måten klarte eg både å prute og kjøpe det eg ville ha.

Runa laga pizzahorn til middag i dag… det smakte etter mange timar på tur i byen…

Søndag 11. mars

2007-03-11T06:31:00.000-07:00

Utflukt…
Sola skein, bilen køyrde ut av Antsirabé sitt sentrum… den tette bebyggelsen gjekk over til frodig grønt landskap. Vi var på vei mot landsbygda, for å feire ein bursdag og ha piknik. Vegane blei dårligare og dårligare til lenger vi kom, snart kunne det ikkje kallas vegast lenger heller. Bilen humpa frå side til side, nokre gongar kjentes det ut som vi skulle velte. Endeleg var vi framme… vi gjekk ut av bilen... Landskapet som omringa oss var nydeleg. Ein innsjø der folk fiska, rismarker oppover skråningane og ein foss i det fjerne..

Det var god stemning, latter og prat. Vi åt vaflar, slappa av og kosa oss. Før vi skulle ete middag, gjekk vi tur mot fossen. Då vi kom fram blei lysta for å ta ein ”dusj” passe stor og vi enda opp under eit lite fossefall i bh og skjørt… Våte og litt kalde rusla vi tilbake til dei andre.

Då vi kom tilbake var maten klar, etter maten var det nokre som sovna, mens andre prata. Før vi tok turen heim leika vi mange barneleikar (gassiske og norske), og vaksne var som store ungar..

Kvelden kom, etter ein god prat med mamma og pappa, la eg meg på senga med ei god bok…

Laurdag 10. mars

2007-03-10T06:27:00.000-08:00

Ein roleg morgon… klokka åtte var eg ute på veg for å kjøpe meg litt brød til frukost. Med ein bagett i handa på veg tilbake møtte eg eit par jenter, der den eine hadde ein liten gut på ryggen. Han såg på meg med eit par mørke auge, før han strakte den lille handa si fram i håp om litt mat. Eg delte av det brødet eg hadde kjøpt, og rusla heim med ein bit til meg sjølv…

Nokre timar seinare…tok eg og Runa ein tur til den store marknaden.
Der var alle mulige lukter av fisk, grønsaker og andre ting eg ikkje kan setje namn på. Må innrømme at det vrei seg i nasen min av og til…

Eg og Runa gjekk frå bod til bod for å sjå etter stoff til å sy kjole. Etterpå gjekk vi for å finne ei høne som skulle vere bursdagsgåve til ein som er veldig glad i egg… På marknaden kunne du kjøpe alt mulig. Vi enda opp med å kjøpe ein søt liten kattunge også…

Runa og Audun har ein fin liten dyrehage rundt seg no. Katt, hund, tre krokodiller, to skilpadder og ei høne…

Eg og Runa slappa av heime med dei på kvelden.

Fredag 9. mars

2007-03-09T06:15:00.000-08:00

Utflukt… Saman med rektor og dei to ungdomskuleelevane, tok vi bilen, køyrde ut av byen til landsbygda. Ungdomsskulen jobbar med arkitektur i formgjeving, og i denne forbindelse ser dei på ulike hustypar i området rundt Antsirabé. Eg fekk gleda av å vere med ut å ta bilder, noko som kan komme godt med til oppgåva mi.

Etterpå vart eg og dei andre ungdommane invitert på middag til Rektors familie. Set veldig pris på at folk tek så godt i mot meg her.

Avslutta kvelden på den lokale restauranten ”Arche”

Torsdag 8. mars

2007-03-08T06:12:00.000-08:00

Ein ny dag, etter ei dårlig natt… (søv lite)
Møtte alle på tunet klokka 10, stadig nye folk å helse på. Ein roleg formiddag med franskboka framfor meg. Åt middag med Audun og co.

Så sto basketball for tur, det var nokre år sidan eg var borti ein basketball, og eg vil ikkje påstå at eg har gode eigenskapar i sporten. Likevel må eg skryte på meg at eg fekk nokre få poeng til laget. Det var gøy å spele med dei gassiske ungdommane, skjønte ikkje alle reglane men hadde det gøy og det er vell det viktigaste av alt.

Var ute, spelte biljard og gjekk heim til Audun der Runa hadde laga eplekake.

Onsdag 7. mars

2007-03-07T06:11:00.000-08:00

Vekkarklokka ringte halv 10, eg kunne lett ha sove nokre timar til for å ta igjen den tapte søvnen frå dei to førre nettene. Men klokka ti samlast folk som bur her på tunet for å ha ein pause saman. Eg ville utnytte sjansen til å møte dei som er her.

Eg møtte ein tidlegare lærar og vart invitert på middag til han og kona. Folk er koselege og eg føler meg velkommen.
I ettermiddag bestemte eg meg for å ta meg ein sykkeltur, for å bli litt kjent i området. Eg lånte ein sykkel, ein hjelm og tok turen gjennom ulike strøk. Plutselig kom ein gut syklande ved sida mi… ”salut” sa han, og eg kunne svare tilbake ”salut”, (”Hei” på fransk…) vi hadde ein morosam samtale med den ordfattige fransken min. Slik eg forsto det, hadde guten lånt ein sykkel med ein ven då eg sykla forbi, så tilslutt måtte han snu for å levere den tilbake. Like plutselig som han kom, var han borte.

Ein ny tur til byen, denne gongen for å utforske marknaden…
Det er ikkje berre frukt og grønsaker du får her, om du skulle få lyst på ei høne, trippar dei rundt, klar til det som måtte vente dei.

Før eg rusla heim, stakk eg innom butikken, og denne gongen kan eg skryte av å ha gjort meg forstått på fransk på første forsøk. ”Eg vil gjerne ha 4 egg”, sa eg og like etter sto eg der med fire egg i handa. Eg måtte smile stolt av meg sjølv.

I kveld har eg vore saman med Runa og Audun. (Audun er eittåring for NMS, Runa er søstera) ”Smak på dette” sa Audun og gav meg ei skei med ein slags saus. Eg smakte... først var det ikkje so ille, men så begynte det å brenne i munnen, eg følte heile hovudet kokte og eg kan tenke meg at eg var raud i ansiktet… eg felte nok eit par tårer før det SAKTE men sikkert gjekk gradvis vekk.

Andre dag er over…

Tysdag 6. mars

2007-03-06T06:09:00.000-08:00

Grøne flotte rismarker med vegar som trengjer seg fram i landskapet… Eg er på Madagaskar. Bilen passerer folk langs vegane, eg ser ut av vindauget og sug til meg alt eg kan sjå, overraska over det frodige landskapet som møter meg. Eg er trøtt etter ei kort natt, men strever for å halde meg vaken…eg sovnar.
Bilen stoppar og eg vaknar, vi er ikkje framme, men skal kjøpe frukt hjå nokre som står langs vegen. Det er to mil igjen.

Bilen kjører inn på det norske tunet i Antsirabé, som viser seg å vere ein kontrast til livet utanfor murane. Stille og rolig, grønt, mange blomar og små veier mellom husa.

Ute på gata blir eg møtt med ei utstrakt hand, ei dame med ungen sin på ryggen, ho vil ha pengar…Med dei fattige rundt meg går eg mot butikken for å få kjøpe mat. Urettferdig, er tanken som svirrar rundt i hovudet mitt.

Gassisk, språket er så ukjent for meg at eg ikkje meistrar å seie ”hei”.
Då er det kanskje ikkje så rart at eg blir svindla og betaler fire gongar så mykje som eg burde for å bli frakta med ”gassisk-taxi” frå butikken og heim. Samtidig er det ikkje så farleg når det er snakk om å tape nokre kroner som kan komme til nytte for nokre andre.

Eg møter ungdommane på tunet og blir med for å spele biljard.

Første dag er over.

Måndag 5. mars

2007-03-05T06:04:00.000-08:00

Ein lang flytur…

2007

2007-01-31T09:39:00.000-08:00

Året starta ikkje akkurat med smell av rakettar, gode klemmar og nyttårsfeiring....
På ei øy nokre mil, og litt meir enn det, frå Valderøya, sovna eg lenge før midnatt - det var ein godt planlagt genistrek for å gjere eit bra førsteinntrykk.

Vi, (eg og min store sjarmør), var på besøk med min kommande svoger og familien hans. Dei bur på Zanzibar i Tanzania, der dei er misjonærar,. Arngeir (bror til Lars) er prest, pappa, drikk cola og et sjokolade, Dorthe har hendene fulle med damer som skal bli sydamer og Noa - ein uskyldig treåring som snakkar fire forskjellige språk i løpet av dagen.